Përfundon hatmja e Kur’anit në Kursin e Kuranit – Kumanovë, në kuadër të OKH Merhamet

Më 26 mars 2025, në kuadër të Organizatës Humanitare “Merhamet”, Kursi i Kuranit – Kumanovë, nën udhëheqjen e teologes Shenaje Ahmeti-Ganiu, ka përfunduar me sukses hatmen e Kur’anit, e cila është lexuar përgjatë muajit të bekuar të Ramazanit.

Ky aktivitet shpirtëror përmbylli ditë të mbushura me përkushtim, lutje dhe përjetim të thellë të Fjalës së Allahut. Përmes leximit të Kur’anit, pjesëmarrëset përjetuan një lidhje më të ngushtë me besimin dhe mesazhin hyjnor.

“Dhe lexoni nga Kur’ani aq sa të jetë e lehtë për ju!”
📖 Surah Al-Muzzammil, 73:20

Organizata falënderon të gjitha motrat që morën pjesë dhe kontribuan në këtë vepër të bukur, duke i dhënë një domethënie të veçantë këtij Ramazani përmes përkushtimit dhe bashkësisë.